Nánari upplýsingar um inntökupróf:

Umsækjendur fá sent bréf þar sem þeim er gefinn upp tímasetning inntökuprófsins, áríðandi er að staðfesta að tímasetning sé í lagi, eða hafa samband við skrifstofu skólans og óska eftir öðrum og breyttum tíma - sími 552 7366 / Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.

Inntökupróf  er fólgið í radd- og tónheyrnarprufu, og miðast að sjálfsögðu við bakgrunn umsækjanda, þ.e. hvort hann er byrjandi eða hefur tónlistarnám að baki.

1.  Umsækjandi syngur eitt lag, sem hann kemur með undirbúið.

Nótur fyrir píanóleikara þurfa að vera tiltækar, takið þær með ykkur ef þið eigið þær til, en hafið samband ef svo er ekki,  – í flestum tilfellum getum við útvegað viðeigandi nótur.

2.    Umsækjandi syngur raddæfingar, sem gefa til kynna raddsvið og möguleika raddarinnar.

3.    Tónheyrn og taktskyn er kannað.

Öllum umsækjendum  gefst kostur á að hitta píanóleikara á vegum skólans, áður en þeir fara inn í prófið og syngja yfir sönglagið með honum,  tímasetning sú sem gefin er upp í boðun, er miðuð við það.

Umsækjendur sem hafa verið í tónlistarnámi áður, eru beðnir um að hafa með sér stigprófsblöð og/eða einkunnabækur frá fyrra námi.

Skrifstofa skólans er opin daglega frá kl. 10.00 – 17.00.

Hikið ekki við að hafa samband ef þið viljið fá frekari upplýsingar.

Síðasti prófdagur var 15. maí

Skólaslit með tónleikaívafi

Skólaslit og afhending einkunna fer fram

í Langholtskirkju, fimmtudaginn 24. maí kl. 18.00

Allir velkomnir !