Garðar Cortes stofnandi Söngskólans í Reykjavík og skólastjóri til fimmtíu ára er látinn. Við, starfsfólk skólans og nemendur, minnumst hans sem einstaks kennara og góðs vinar sem og einnig hans einstöku hlýju og áhrifamiklu nærveru. Garðar var hvetjandi og hann var hamhleypa til verka hvar sem hann kom, sem sést best á afkastamiklu ævistarfi hans sem setti mark sitt svo um munar á íslenskt tónlistarlíf. Garðar stofnaði í kjölfar skólans Íslensku óperuna og söng helstu hlutverk óperubókmenntanna þar og annars staðar um heiminn. Við í Söngskólanum í Reykjavík minnumst hans með hlýhug og þakklæti fyrir allt hans góða starf og manngæsku. 

Útför Garðars verður gerð frá Hallgrímskirkju, þriðjudaginn 23.maí 2023 kl. 15.00 og eru öll sem vilja fylgja honum boðin innilega velkomin.