Grunndeild Söngskólans í Reykjavík er frábær grunnur fyrir framtíðar söngvara, hvort sem þeir hafa einhvern grunn í tónlist eða ekki.  Grunnnámið miðast við fyrstu þrjú stigin í gamla kerfinu, 1., 2. og 3. stigið. Tvisvar á vetri er gefinn kostur á prófum og geta nemendur tekið prófið á áföngum, eða lokið því með einu prófi, Grunnprófi.  Nám til Grunnprófs tekur að jafnaði 1-2 ár.

Markmið söngnámsins við Söngskólann í Reykjavík er að kenna nemendum heilbrigða raddbeitingu, túlkun og framkomu.  Námið er einstaklingsmiðað þar sem nemandinn ákveður sína stefnu; hvort sem það er stóra óperusviðið, rytmíska sviðið eða heilsusamleg raddbeiting sem nýtist í hvaða starfi sem er. Nemendur eru þjálfaðir í sviðsframkomu og öðlast færni í að syngja fyrir áheyrendur, lesa nótur og skilja tónfræði.