Miðdeild

Forkröfur:

Nemandi þarf að hafa lokið Grunnprófi í einsöng og tónfræði eða jafngildi þess (meta má með stöðuprófi). Nám til Miðprófs tekur um það bil 2 ár.  Á miðju tímabili Miðnáms er frammistaða nemenda metin, annað hvort með 4. stigs prófi eða á námsmatstónleikum. Þar leggur nemandi fram 15 laga verkefnalista: Flytur á námsmatstónleikum 3 verkefni eða í 4. stigs prófi, 4 verkefni. Verkefnin skulu þannig valin að sem flestir þættir séu sýndir, svo sem fjölbreytni í lagavali, samsöngur, framkoma, leikni og fleira. 

Í framhaldi af loknu IV. stigs prófi er unnið að V. stigi (Miðprófi) sem er byggt upp á sama hátt og IV. stig  og lokið með Miðprófi.

Verkefnin skulu þannig valin, að sem flestir þættir séu sýndir, svo sem fjölbreytni í verkefnavali, samsöngur, framkoma, leikni og fleira. 

einkatímar á viku 

• Söngur 2 x 30 mín eða 1 x 60 mín
• Undirleikur 1 x 30 mín

Kjarnagreinar á viku. hóptímar:

• Tónfræði M1 1×75 mín og svo:
• Tónfræði M2 1×90 mín
• Master class 1×90 mín 

Til að ljúka Miðprófi: Nemandi er, með fulltingi kennara síns, ábyrgur fyrir vel undirbúnum 30 laga verkefnalista til afhendingar. Til grundvallar prófinu er kaflinn um námsmat og próf úr aðalnámskrá tónlistarskóla og er vísað í hann. 

Aðrar kröfur til Miðprófs eru:

• Samræmt miðpróf í tónfræði.
• Master class: ástundun og virkni.
• Sungið á nemendatónleikum minnst einu sinni á vetri.

Miðpróf

Fyrir próf skal nemandi undirbúa þrjú söngverk. Auk þess skal hann leggja fram lista með sjö söngverkum og velur prófdómari tvö þeirra til flutnings. Alls eru því undirbúin tíu prófverkefni. Skulu þau öll vera í samræmi við kröfur námskrárinnar og á eigi færri en þremur tungumálum að íslensku meðtalinni.

Miða skal við að heildarpróftími á miðprófi í söng fari ekki fram yfir 45 mínútur. Gæta skal þess að verkefnaval sé fjölbreytt og að efnisskráin endurspegli mismunandi stíltegundir og tónlist frá ólíkum tímabilum. Á prófinu skal nemandi flytja öll verk utanbókar. Tónverk á íslensku, þýsku, ensku, ítölsku, norðurlandamálum, frönsku og spænsku skal syngja á frummáli, annars eru þýðingar leyfðar.

Prófþættir eru þessir:

• Fimm ólík söngverk (12 einingar hvert) í samræmi við kröfur greinanámskrár.
• Æfingar (15 einingar) í samræmi við kröfur greinanámskrár.
• Val (10 einingar). Nemandi velji eitt eftirtalinna viðfangsefna:
  
  1. Syngi verk að eigin vali af sambærilegri þyngd og önnur miðprófsverkefni.
  2. Spinni út frá gefnu upphafi, hljómferli eða lagi með eða án undirleiks.
  3. Syngi frumsamið verk eða eigin útsetningu.
• Óundirbúinn nótnalestur (10 einingar).
  Sjá upplýsingar um prófkröfur í óundirbúnum nótnalestri (pdf-skjal) í einsöng.
• Heildarsvipur (5 einingar).

Skólagjöld

Söngæfingar skulu sungnar án undirleiks – Prófdómarinn velur tóntegundir og sérhljóða til að syngja en nemandinn þarf að geta sagt til um raddsvið sitt – Nemandinn þarf að geta sungið æfingarnar á mismunandi hraða.

Æfing nr. 1

Æfing nr.2

Æfing nr. 3

Forkröfur:   

• Grunnprófi í söng lokið
• Grunnprófi í tónfræði lokið

Verkefnalisti – 15 verkefni: 

Verkefni eru valin með tilliti til gildandi námskrár í Miðnámi.  Gæta skal þess að verkefnaval sé fjölbreytt og endurspegli mismunandi stíltegundir og tónlist frá ólíkum tímabilum. Lágmark er að sungið sé á þremur tungumálum, þ.e. íslensku og tveimur erlendum tungumálum. Á verkefnalistanum er merkt við 8 verkefni sem tilbúin eru til flutnings:

• Við 2 verkefni – XX Val nemanda
• Við 6 verkefni – X Prófdómari velur 2 til flutnings
• Nemandi syngur 4 lög og ræður röð sönglaga í flutningi.
• Nemandi syngur tækniæfingar – 3 æfingar (fylgja)
• Æfingar eru sungnar undirleikslaust, og á mismunandi sérhljóðum að vali prófdómara.