Skólavist og námskeið
UMSÓKNIR
Til þess að sækja um skólavist þarf að skrá sig í gegnum skráningasíðu skólans. Foreldrar þurfa að sækja um fyrir börn yngri en 18 ára. Umsækjendur um nám í Ungdeild, Grunndeild, Miðdeild, Framhaldsdeild og Söngleikjadeild gangast undir inntökupróf en það er ekkert til að kvíða fyrir! Tilgangur prófanna er að kynnast rödd umsækjenda og meta hvaða nám henntar hverjum og einum. Umsækjendur um 8 vikna námskeið þurfa ekki að þreyta inntökuróf.
Ekki hika við að hafa samband við okkur ef þú vilt fá frekari upplýsingar eða aðstoð við umsókn.
Leiðarvísir um hvernig sótt er um skólavist:
- Ýtið á Sækja um hér fyrir neðan.
- Veljið ykkur Námsleið.
- Ýtið á Bæta við umsókn.
- Ýtið á Ljúka umsókn.
- Því næst þurfið þið að samþykkja skilmála Persónuverndar og skólans.
Setjið inn upplýsingar nemanda og greiðanda og ljúkið umsókn.
Nemendur úr öðrum sveitarfélögum en Reykjavík
Athugið að ef söngnemandi í grunnnámi í söng á lögheimili utan Reykjavíkurborgar þarf nemandinn sjálfur að sækja um að sveitarfélag nemandans greiði kennslukostnað. Skólinn getur ekki boðið nemanda utan Reykjavíkur pláss í grunnnámi í söng nema staðfesting liggi fyrir að sveitarfélag nemandans greiði kennslukostnað.
Sjá reglur nokkurra sveitarfélaga:
Útskýring:
Sveitarfélagið greiðir kennslukostnað söngnemenda (laun kennara) en nemandinn sjálfur greiðir skólagjöld sem standa undir rekstri skólans. Sjá gjaldskrá skólans.
Greiðsla kennslukostnaðar fyrir nemendur í miðnámi og framhaldsstigi kemur frá Jöfnunarsjóði sveitarfélaga. Nemendur í miðnámi og framhaldsnámi í söng þurfa ekki að sækja um greiðslu kennslukostnaðar til síns sveitarfélags.
