Þýski tenórsöngvarinn og söngkennarinn Lothar Odinius heimsækir Söngskólann í Reykjavík í dag og á morgun. Hann kennir lengra komnum nemendum á master class í Ljóða- og aríudeild þri. 20.1. og í óperudeild skólans mið. 21. janúar 2026. Lothar er þekktur konsert- og óperusöngvari og hefur hlutverkaskrá hans náð allt frá barokktónlist til nútímatónlistar. Hann hefur verið reglulegur gestur víða um heim í tónleikasölum Berlínar, Vínar, Milano og New York en þar hann söng í hinni þekktu tónleikahöll Carnegie Hall. Á óperusviðinu hefur hann sungið m.a. í Royal Opera House Covent Garden í London, Opera National í París, Semperoper í Dresden og óperunni í Zürich en einnig við óperuhátíðinar í Bayreuth, Ruhrtriennale, Glyndebourne og Schwetzingen. Hann hefur kennt við Tónlistarháskólann Carl Maria von Weber í Dresden frá árinu 2018 og hafa nemendur hans þaðan náð góðum árangri m.a. við óperustúdíóið í Chemnitz. Hann hefur haldið masterklassa við Alþjóðlegu Bachakademíuna í Stuttgart og við óperustúdíóið í Wuppertal/Dortmund.