Inntökupróf fyrir nám við Söngskólann í Reykjavík fyrir skólaárið 2025-2026 fara fram mánudaginn 26.5. í sal skólans. Hægt er að senda inn umsókn í gegnum vef skólans. Próftaki syngur eitt lag, að eigin vali með píanóleikara eða undirleik á upptöku/disk/síma. • Sungið með píanóleikara: Söngskólinn úthlutar píanóleikara, sem æfir lagið með viðkomandi fyrir prófið. Nótur þurfa að liggja fyrir – hægt að leita til skrifstofunnar ef nótur vantar. • Sungið án píanóleikara: Upptaka af undirleik þarf að vera í tölvu eða síma. Hægt að tengjast hátalara gegnum Bluetooth. Eftir að lagið er sungið eru gerðar nokkrar raddæfingar, til að finna út hvernig röddin liggur og svo er smá tónheyrnarprufa.